Silva vill Melo til Arsenal

Gilberto Silva, fyrrum leikmaður Arsenal, hefur ráðlagt landa sínum Felipe Melo að ganga til liðs við félagið frá Fiorentina.

Melo hefur verið orðaður við Arsenal nú í sumar en talsmaður hans sagði í samtali við enska fjölmiðla í síðustu viku að honum liði vel á Ítalíu.

„Við heyrðum orðróma um þetta og hann spurði mig út í félagið. Ég sagði honum að þetta væri frábært félag og ef hann hefði áhuga ætti hann að fara án þess að hugsa sig um," sagði Gilberto.

„Hann er einmitt sá leikmaður sem Arsenal þarf á að halda. Hann er kröftugur leikmaður sem býr yfir miklum hæfileikum."