Heimir Örn: Öruggt allan tímann

„Er þetta ekki bara týpískt. Náum góðu forskoti en svo slökum við óþarflega mikið á. Við settum svo bara beint aftur í fimmta gírinn og þetta var frekar öruggt allan tímann fannst mér," sagði Valsarinn Heimir Örn Árnason sem skoraði fimm mörk.

„Það var leiðinlegt fyrir þá að sjá tölfuna til að byrja með. Við vorum mjög öflugir í upphafi og algjörlega tilbúnir í leikinn. Það var ekkert vanmat í gangi," sagði Heimir kátur.

„Það er alltaf gaman í Höllinni og alltaf gaman að vinna titla. Þetta var frábær dagur og það er mikil vakning í íslenskum handbolta. Ég get ekki beðið eftir að úrslitakeppnin byrji."