Jafntefli við Grænland

Íslenska U-21 landsliðið í handbolta gerði í gær jafntefli við A-landslið Grænlands í æfingaleik ytra, 32-32.

Ísland er nú að undirbúa sig að kappi fyrir HM U-21 landsliða sem fer fram í Egyptalandi í næsta mánuði.

Liðið mætir á morgun U-21 liði Grænlendinga.

Leikurinn í gær var hluti af sjálfstjórnarhátíð Grænlands og var fullt hús áhorfenda á leiknum og góð stemning. Staðan í hálfleik var 18-16, Grænlandi í vil.

Mörk Íslands:

Oddur Grétarsson 11

Orri Freyr Gíslason 7

Rúnar Kárason 4

Anton Rúnarsson 4

Hjálmar Þór Arnarsson 2

Ásbjörn Friðriksson 2

Guðmundur Árni Ólafsson 2

Varin skot:

Sveinbjörn Pétursson 10

Aron Rafn Eðvarðsson 5