Skemmdarverk og íkveikjur í Kaupmannahöfn

Skemmdarverk, íkveikjur og alls kyns óspektir einkenndu næturvakt lögreglunnar í Kaupmannahöfn. Kveikt var í að minnsta kosti níu bílum og nokkrum ruslagámum en lögregla hefur staðið í stórræðum um helgina og handtekið mörg hundruð manns, sem komnir eru til að mótmæla við ráðstefnuhöllina Bella Center þar sem loftslagsráðstefna Sameinuðu þjóðanna stendur út þessa viku. Mótmælendur færast nú allir í aukana þar sem þjóðhöfðingjar margra ríkja ætla að sitja þessa síðari viku ráðstefnunnar og eru nú að tínast til borgarinnar.