Framkonur unnu fyrri leikinn í Makedóníu með þremur mörkum

Bikarmeistarar Fram eru í ágætum málum eftir fyrri leik sinn á móti Metalurg frá Makedóníu í Áskoraendakeppni Evrópu. Framkonur unnu 29-26 sigur í leik liðanna í Makedóníu í dag þar sem Íris Björk Símonardóttir átti stórleik í markinu og varði 24 skot.

Þetta var heimaleikur Fram en seinni leikurinn fer fram á sama stað á morgun og telst sá leikur vera útileikur Fram. Fram seldi heimaleikinn sinn en er samt á góðri leið með því að tryggja sér sæti í undanúrslitunum.

Stella Sigurðardóttir var markahæst í Framliðinu með 8 mörk en Karen Knútsdóttir skoraði 7 mörk. Framliðið var með 14-13 forustu í hálfleik.



Mörk Fram í leiknum:

Stella Sigurðardóttir 8/2

Karen Knútsdóttir 7/5

Ásta Birna Gunnarsdóttir 5

Guðrún Þóra Hálfdánsdóttir 5

Hildur Þorgeirsdóttir 2

Pavla Nevarilova 2

Sigurbjörg Jóhannsdóttir 1

Íris Björk Símonardóttir  varði 24 skot.