Starfsmenn geta eignast hlut í Starbucks

Starfsmenn Starbucks í Bretlandi munu geta eignast hlutabréf í fyrirtækinu fyrir milljónir punda á næstu árum.

Með þessu hyggjast stjórnendur fyrirtækisins hvetja starfsmenn áfram til góðrar starfsemi fyrir fyrirtækið. Helmingnum af hlutabréfunum, sem til stendur að starfsmenn fái, verður deilt út í byrjun næsta ár en fjórðungi verður deilt út árið 2012 og öðrum fjórðungi ári seinna.

Stjórnendur Starbuck hafa glímt við töluverðan rekstrarvanda á undanförnum árum og hefur fjölda verslana verið lokað um allan heim. Nú virðast bjartari tímar hins vegar vera í vændum, að því er breska blaðið Guardian greinir frá.