Erlent

Þegar Ditta kom í heiminn

Óli Tynes skrifar
Þú sleppur í þetta skipti.
Þú sleppur í þetta skipti.

Danska lögreglan hefur fellt niður hraðaksturssekt á hendur lítillar fjölskyldu frá smábænum Ullemölle. Hraðamyndavél tók mynd af Fíat smábíl fjölskyldunnar á 94 kílómetra hraða þar sem hámarkshraðinn var 50 kílómetrar. Ástæðan fyrir hraðakstrinum var sú að fjölskyldunni var að fjölga úr tveimur í þrjá.

Birgit Nilsen var að eignast sitt fyrsta barn og Frede Gammelgård gaf Fíatinum í botn til að ná á fæðingardeildina í tíma. Það tókst þó ekki og Frede lagði bílnum út í vegkant til að taka á móti Dittu litlu. Fyrir einskæra heppni ók sjúkrabíll framhjá rétt í því. Frede tókst að stoppa hann og sjúkraflutningamennirnir brugðust skjótt og vel við. Allt var þetta skjalfest og staðfest og dönsku lögreglunni þótti því rétt að spara litlu fjölskyldunni hraðasektina.



Best of Óli Tynes

Tengdar fréttir

Dýr myndi hænan öll

Egg eftir rússneska skartgripahönnuðinn Peter Carl Fabergé verður selt á uppboði í Lundúnum í dag.

Mamma er ekki fyrsta orðið

Það hefur verið viðtekinn sannleikur að fyrsta orðið sem börn segja er "mamma." Ekki lengur. "Mamma" er að meðaltali fjórtánda orðið sem börn segja, ef marka má niðurstöðu þrjátíu ára rannsókna við Syddansk Universitet. Rannsóknin náði til 6.112 barna á aldrinum 8-36 mánaða. Auk þess var stuðst við viðtöl við foreldra á þrjátíu ára tímabili.

Fram með kústinn kerlíng

Alþjóðleg rannsókn hefur leitt í ljós að kvæntir karlmenn taka umtalsvert minni þátt í húsverkunum en karlmenn sem eru í sambúð. Könnuðir við fylkisháskólann í Norður-Karólínu töluðu við yfir 17 þúsund manns í 28 löndum til þess að komast að þessari niðurstöðu.

Kátir kvennabósar

Kvennabósar í Suður-Kóreu eru nú giska kátir eftir að fimmtíu og sex ára gömul lög voru felld úr gildi þar í landi.

Michelle Obama í vax

Barack Obama forseti er auðvitað löngu kominn upp í vaxmyndasöfnum víðsvegar í heiminum. Nú er röðin komin að eiginkonu hans Michelle.

Heimskir glæponar

Lögreglan í bænum Carroll í Iowa í Bandaríkjunum átti ekki í miklum erfiðleikum með að finna tvo innbrotsþjófa sem hún fékk tilkynningu um.

Bannað að hangsa

Frá og með næstu áramótum verður bannað að sitja eða liggja á hinum fjölförnu og líflegu gangstéttum San Francisco, og yfirleitt að hangsa þar.

Konan vildi stöngina inn

Lögreglan í úthverfi Kaupmannahafnar var send að íbúðarhúsi þar í gær eftir að nágrannar tilkynntu um háværar hjónaerjur.

Í fangelsi fyrir að vera sólbrúnar

Lögreglustjórinn í Teheran höfuðborg Írans hefur gefið út yfirlýsingu um að sólbrúnar konur verði handteknar og fangelsaðar.

Hommarnir elska Putin

Myndir af Vladimír Putin, berum að ofan við veiðar, hafa vakið heimsathygli. Rússlandsforseti er vel stæltur og þegnar hans eru mikið hrifnir af karlmannlegri ímynd hans. Jafnvel hið virðulega blað Pravda birti stórar myndir af fáklæddum forsetanum með leiðbeiningum um hvernig karlmenn geti fengið vöðvabyggingu eins og hann. Konur eru sagðar hafa klippt myndirnar út og límt þær upp á veggi sína.

Helstirnið í nærmynd

Cassini geimfarið tók þessa mynd af Mimas tungli Satúrnusar úr aðeins 9.500 kílómetra fjarlægð. Það er það næsta sem geimfar hefur farið tunglinu.

Adolf var afrískur Gyðingur

Adolf Hitler var Afríkumaður af gyðingaættum ef marka má umfangsmikla rannsókn sem belgiskur blaðamaður og belgiskur sagnfræðingur gerðu á fortíð hans.

Esjan hvað ?

Reykjavík er ekki eina borgin í heiminum sem á sér fjall. Borgin Bern í Sviss á raunar þrjú sem eru alveg sæmilega rismikil.

Farðu frekar í teygjustökk

Yfir níutíuþúsund sjúklingar deyja og nær ein milljón bíður heilsutjón, á hverju ári, vegna mistaka á breskum sjúkrahúsum.

Scotty er kominn upp

"Beam me up Scotty," er líklega ein af frægustu setningum kvikmyndasögunnar, þótt hún hafi í raun aldrei verið sögð í Star Trek þáttunum sem hún var hermd uppá. Scotty var Montgomery Scott, yfirvélstjóri á geimfarinu Enterprise. Réttu nafni hét hann James Doohan.

Ég er svo ánægður að vera hérna uppá konunni minni

Stjórnmálamenn og stjórnarerindrekar þurfa að tjá sig í mörgum löndum. Það eru auðvitað töluð misjöfn tungumál í þessum löndum og það kemur fyrir að boðskapurinn brenglast í þýðingunni. Richard Woolcott sem stýrði ástralska utanríkisráðuneytinu í mörg ár rifjar upp skemmtilegar þýðingarvillur í endurminningum sem hann hefur skrifað um þetta tímabil.

Men hej med dig bedstefar

Danir eru nýtin þjóð. Þar í landi er þrjátíu og ein líkbrennsla. Og nú ætla menn að tengja þær við fjarvarmaveitu til danskra heimila til þess að nýta hitann frá líkbrennslunum.

Umhverfis jörðina á eigin spiki

Nýsjálenskur maður hefur látið smíða fyrir sig mjög svo sérstakan bát sem gengur fyrir lífrænu eldsneyti.

Gaf skít í mömmu sína

Skoskir læknar björguðu konu sem var að deyja úr bakteríusýkingu með því að gefa henni saur úr dóttur sinni.

Síðasti hommi Hitlers látinn

Síðasti eftirlifandi homminn sem nazistar sendu í útrýmingarbúðir er látinn í Þýskalandi. Rudolf Brazda var 98 ára. Hann var sendur í Buchenwald fangabúðirnar í ágúst árið 1942 og var þar í haldi allt til þess að bandarískir hermenn frelsuðu fangana árið 1945. Samtök samkynhneigðra í Þýskalandi tilkynntu um lát Brazdas.

Símanúmer frá helvíti

Símafélag í Búlgaríu hefur lokað fyrir símanúmerið 888 888 888. Ástæðan er einföld.

Smokkarnir voru of litlir

Meðalstærð af smokkum sem grænlenska landsstjórnin útdeildi ókeypis til þegna sinna reyndist vera of lítil fyrir grænlenska karlmenn. Forvarnarstofnunin Paarisa sendi í fyrra smokka með nafninu Torrak til allra karlmanna á Grænlandi til þess að draga úr kynsjúkdómum og óæskilegum þungunum. Og ekki vantaði að smokkunum var vel tekið.

Hvað gerði kona Tigers við golfkylfuna?

Hollywood vefsíðan TMZ.com segir að Tiger Woods hafi verið að flýja heimili sitt eftir ofsafengið rifrildi við eiginkonu sína hina sænsku Elínu Nordgren, þegar hann ók fyrst á brunahana og svo á tré.

Hrói höttur á reiðhjóli

Tuttugu og sex ára gamall laganemi við háskólann í Árósum vinnur með náminu við það að stela reiðhjólum.

New York Times fjallar um Bæjarins bestu

Bandaríska stórblaðið New York Times fjallaði hinn 25. þessa mánaðar um einstæðan áhrifamátt Clintons fyrrverandi forseta. Hann nær jafnvel til veitingastaða. Ef Clinton borðar á einhverjum matsölustað kemur fólk þangað í kippum og biður um það sama og forsetinn borðaði.

Fretjálkur í felum

Lögreglan á Norður-Sjálandi er að verða vitlaus á að finna ekki mann sem er haldinn þeirri ónáttúru að biðja hlaupakonur að prumpa á sig.

Ekki reyna þetta heima hjá þér

Mönnum gengur misjafnlega að leggja bílum í þröng stæði. Peter Bell frá Nýja Sjálandi á þó ekki í neinum sérstökum erfiðleikum með það.

Ljónið át ekki páfa

Rómverjar til forna höfðu þann leiða sið að fleygja kristnum mönnum fyrir ljón í hringleikahúsinu mikla. Og skemmtu sér óhóflega þegar ljónin tóku til matar síns.

Það getur enginn verið SVONA óheppinn

Lögregla í bænum Irvine í Kaliforníu hefur farið framá að maður nokkur þar í bæ verði sendur í geðrannsókn. Maðurinn er sagður 57 ára gamall en nafn hans hefur ekki verið gefið upp.

Krókódíll olli mannskæðu flugslysi

Maður sem lifði af flugslys í Lýðveldinu Kongó í ágúst síðastliðnum segir að krókódíll hafi valdið því. Tuttugu manns fórust.

Linsulúsin í Lundúnum fundin

Í meira en eitt ár hefur dularfullur maður skotið upp kollinum í óteljandi beinum útsendingum breskra sjónvarpsstöðva í Lundúnum.

Mest lesið


Fleiri fréttir

Sjá meira


×

Mest lesið