Endanlega gengið frá sölu FIH bankans í janúar

Endanlega verður gengið frá sölunni á FIH bankanum í Danmörku þann 6. janúar á næsta ári. Þetta kemur fram í tilkynningu frá bankanum sem birt er á vefsíðu börsen.

Sem kunnugt er af fréttum voru það slitastjórn Kaupþings og Seðlabankinn sem áttu FIH bankinn þar til snemma vetrar að hann var seldur til hóps fjárfesta sem samanstóð af tveimur stærstu lífeyrissjóðum Danmerkur, sænska tryggingarisanum Folksam og danska fjárfestinum Christian Dyvig.

Aðkoma Seðlabankans að FIH var sökum þess að Seðlabankinn veitti Kaupþingi 500 milljóna evra lán korteri fyrir hrun Kaupþings haustið 2008. Lánið var með allsherjarverði í FIH bankanum.

Lengi eftir hrunið var markaðsvirði FIH minna en nam þessu láni. Sú staða breyttist síðan dramatíkst m.a. sökum eignarhluta FIH í áhættusjóðnum Axcel.

Með sölunni er tryggt að Seðlabankinn fái sitt og gott betur því stærsta eign Axcel, skartgripafyrirtæki Pandora, var sett á markað í vetur með hundruða milljarða kr. hagnaði fyrir eigendur Axcel þar á meðal FIH. Raunar fá Seðlabankinn og slitastjórn Kaupþing um 20 milljarða króna bónus ofan á söluverðið þökk sé Pandóru.