Chivu fer ekki til City

Umboðsmaður Cristian Chivu segir að ekkert sé til í þeim sögusögnum að leikmaðurinn sé á leið til Manchester City.

Chivu leikur með Inter Milan og er Roberto Mancini, stjóri City og fyrrum stjóri Inter, sagður áhugasamur um að fá hann til Englands.

Victor Becali, umboðsmaður Chivu, segist hins vegar ekkert hafa heyrt af málinu.

„Ég hef ekkert heyrt frá neinu ensku félagi. Cristian er samningsbundinn Inter í tvö og hálft ár til viðbótar," sagði umboðsmaðurinn við ítalska fjölmiðla.