Tveggja ára stúlka lést þegar hún féll af annarri hæð

Tveggja ára stúlka lést eftir að hún féll af annari hæð á blokk sem hún bjó í ásamt foreldrum sínum í bænum Kirkcaldy í Bretlandi. Foreldrar stúlkunnar segjast vera „gjörsamlega niðurbrotin."

Atvikið átti sér stað klukkan þrjú í gær og þegar sjúkraflutningamenn komu á vettvang var stúlkan enn með lífsmarki. Hún var flutt á nærliggjandi sjúkrahús þar sem hún lést.

Lögreglan hefur rannsakað aðstæður og er dauði stúlkunnar ekki talinn hafa borið að með saknæmum hætti. „Þetta er einfaldlega mjög sorglegt mál og eru hugsanir okkar hjá fjölskyldu stelpunnar," sagði lögreglumaður við fjölmiðla.

Fjölskylda stúlkunnar segist vera „gjörsamlega niðurbrotin." Hún hafi verið hress og kát og lífleg stelpa.