Björgvin og Stefán Jón úr leik í sviginu

Skíðakapparnir Björgvin Björgvinsson frá Dalvík og Stefán Jón Sigurgeirsson frá Húsavík kepptu síðdegis í svigi á vetrarólympíuleikunum í Vancouver í Kanada en hvorugur þeirra náði að ljúka fyrri ferðinni.

Björgvin var númer 49 í rásröðinni en Stefán Jón var númer 59 en alls voru 102 keppendur skráðir til leiks.

Vegna mikillar rigningar í Vancouver síðasta sólarhringinn áttu menn almennt mjög erfitt uppdráttar í brautinni og því stór hluti keppenda sem náði ekki að klára.