Heim­spekingurinn Win­ston jós úr visku­brunni sínum

Winston og félagar fögnuðu 12-7 sigri gegn Tennessee Titans á sunnudaginn. Winston var með „heimspekilegar“ vangaveltur fyrir leik og ekki síður eftir leik þegar hann sýndi einnig stærðfræðifimi sína og benti á að 2x6 stig eru jú tólf stig og þau dugðu Giants til sigurs.

„Þetta var algjörlega geggjað,“ sagði Andri en brot úr Lokasókninni má sjá hér að neðan.

Andri var með þá Magnús Sigurjón Olsen Guðmundsson og Eirík Stefán Ásgeirsson í settinu hjá sér og þeir ræddu jafnframt um J.J. McCarthy sem kominn er til Giants.

„Ég er spenntur fyrir því. Ég held í alvöru að J.J. McCarthy hafi fullt til brunns að bera í þessari deild,“ sagði Magnús.

„Nei, nei, nei, nei. J.J. McCarthy á ekkert erindi í þessa deild,“ sagði Eiríkur áður en þeir félagar horfðu á það hvernig Cameron Ward kastaði hreinlega frá sér sigri fyrir Titans.

„Hann er lélegasti leikmaður deildarinnar. Lélegasti leikstjórnandi deildarinnar,“ sagði Magnús en Eiríkur var fljótur að svara því:

„J.J. McCarthy er verri en Cam Ward.“