Luca Toni: Við getum lifað drauminn

Luca Toni var hetja Roma gegn Inter og skoraði sigurmark leiksins. Rómverjar eru aðeins stigi á eftir Inter og segir Toni að þeir geti upplifað drauminn.

„Þetta var frábært kvöld í alla staði. Þetta var mikilvægur sigur eftir að við höfum elt Inter allt tímabilið. Við erum nú aðeins stigi á eftir og munum reyna allt sem við getum til að upplifa drauminn," segir Toni.

Toni er á lánssamningi frá FC Bayern og er kominn til Roma til að taka titilinn. „Við förum ekki leynt með að stefnan er sett á topinn að sjálfsögðu. Toppsætið er í sjónmáli," segir Toni.