Webber fremstur þriðja mótið í röð

29. maí 2010 12:12

Mark Webber ánægður með afrakstur dagsins í dag, eftir tímatökuna í Istanbúl. Mynd: Getty Images

Ástralinn Mark Webber á Red Bull fljóiastur alrla í tímatökunni í Istanbúl lí dag og náði fremsta stað á ráslínu í þriðja mótinu í röð. Hann er efstur í stigamótinu ásamt Sebastian Vettel, sem varð þriðji í rímatökunni, en Lewis Hamilton stakk sér á milli þeirra.

Jenson Button á McLaren er fjórði á ráslínu, Michael Schumacher fimmti og Nico Rosberg sjötti. Robert Kubica varð svo á undan Felipe Massa, sem hefur unnið mótið í Istanbúl þrívegis.

Fernando Alonso komst ekki lokaumferð tímatökunnar eftir akstursmistök í annari umferð og ræsir tólfti af stað, en Ferrari fagnar því um helgina að ræsa af stað í 800 mót liðsins í Formúlu 1. Staða þeirra Ferrari manna lofar þó ekki góðu hvað framhaldið varðar, en Webber er í kjörstöðu.

Bein útsending er frá mótinu á morgun á Stöð 2 Sport kl. 11.30 og þátturinn Endmarkið verður sýndur í beinu framhaldi á því um kl. 14.15. Þar er allt það besta sýnt frá m ótinu í samantekt sérfræðinga.

Brautarlýsingu má nálgast hérna.

Fremstu menn á ráslínu

1. Mark Webber, Red Bull, 2. Lewis Hamilton, McLaren, 3. Sebastian Vettel, Red Bull, 4. Jenson Button, McLaren, 5. Michael Schumacher, Mercedes, 6. Nico Rosberg, Mercedes, 7. Robert Kubica, Renault, 8. Felipe Massa, Ferrari, 9. Vitlay Petrov, Renault, 10. Kamui Kobayashi, Sauber