Heims­meistarinn biðst af­sökunar: „Til­finningarnar báru mig ofur­liði“

Á 36. hring keppninnar á götum Bakú átti sér stað þriggja bíla árekstur þar sem að Franco Colapinto, ökuþór Alpine, tók bæði út liðsfélaga sinn og Lando Norris. 

Í hita leiksins fór áreksturinn og aksturslag Colapinto mjög illa í Lando Norris sem lét hafa það eftir sér að „sumir ökuþórar ættu bara ekki að keppa í Formúlu 1“ og enn fremur kallaði hann eftir keppnisbanni í svona tilvikum. 

Eftir keppnina á laugardaginn síðastliðinn bað Colapinto bæði Norris sem og liðsfélaga sinn Pierre Gasly afsökunar en honum hefur verið gefin fimm sæta refsing í keppni næstu keppnishelgar í Malasíu. 

Norris hefur nú sjálfur séð að sér. Í færslu á samfélagsmiðlinum Instagram í dag bað hann Colapinto afsökunar á ummælum sínum. 

„Ég sendi honum skilaboð eftir keppnina og baðst afsökunar á ummælum mínum. Ég hefði ekki átt að segja þetta. Ég veit betur en tilfinningarnar báru mig ofurliði þarna. Það er ekki afsökun af minni hálfu, ég hafði bara rangt fyrir mér.“

Hann og Colapinto séu enn mestu mátar og hlakki til að keppa á nýjan leik um komandi helgi.