NBA: Oklahoma skellti Miami

Oklahoma Thunder vann sinn fimmta leik í röð í NBA-deildinni í nótt er það mætti sólstrandargæjunum í Miami Heat. Þetta var fyrsta tap Miami í fjórum leikjum.

Hvorugt liðanna var að skjóta vel í leiknum en góð vörn Oklahoma ásamt fínum leik Kevin Durant gerði gæfumuninn fyrir Thunder.

Durant var stigahæstur allra á vellinum með 29 stig og Russell Westbrook skoraði 18 fyrir Thunder.

Miami skoraði aðeins 40 stig í síðari hálfleik. Dwyane Wade og Chris Bosh skoruðu báðir 21 stig fyrir Heat en hittu samanlagt úr aðeins 13 af 38 skotum sínum. LeBron James skoraði 19 stig.

Úrslit:

Atlanta-Denver  87-102

Boston-Indiana  92-80

Detroit-Toronto  107-93

Miami-Oklahoma  89-93

Milwaukee-Orlando  89-93

New Orleans-Phoenix  100-95

Houston-Charlotte  94-78

Utah-Minnesota  119-104

Sacramento-Cleveland  93-97

Golden State-Dallas  106-112

LA Clippers-Philadelphia  94-104