Fögnuður Valskvenna í myndum

Valur varð í gær Íslandsmeistari kvenna í handbolta annað árið í röð. Valskonur sópuðu Fram í úrslitaeinvíginu, 3-0, eftir ótrúlegan leik í gær þar sem úrslit réðust ekki fyrr en í vítakastkeppni.

Grípa þurfti til þessa sjaldséða úrræðis eftir að leikar stóðu jafnir eftir áttatíu mínútur af handbolta - semsagt tvíframlengdan leik.

Fögnuður Valskvenna var eðlilega mikill eftir leikinn og tók Daníel Rúnarsson, ljósmyndari Vísis og Fréttablaðsins, myndirnar sem má sjá hér fyrir neðan.