HK hóf tímabilið með því að vinna Fram í Safamýrinni

HK-ingar byrja tímabilið með glæsibrag í N1-deild kvenna en liðið vann í kvöld góðan sex marka sigur á bikarmeisturum Fram á útivelli, 28-22.

HK var aðeins hársbreidd frá því að tryggja sér sæti í úrslitakeppninni á síðasta tímabili en kom á óvart með því að komast í undanúrslit bikarkeppninnar eftir sigur á Stjörnunni.

Leikmenn HK ætla greinilega að láta til sín taka í vetur en þeir höfðu þó nokkra yfirburði í leiknum í kvöld. Staðan í hálfleik var 14-10, gestunum í vil.

Elva Björg Arnarsdóttir skoraði sjö mörk fyrir HK og Brynja Magnúsdóttir sex. Hjá Fram var Elísabet Gunnarsdóttir markahæst með átta mörk en Ásta Birna Gunnarsdóttir skoraði fimm.

N1-deild kvenna hófst í kvöld með tveimur leikjum en í hinum vann Valur öruggan sigur á Stjörnunni, 28-20.

Fram - HK 22-28 (10-14)

Mörk Fram: Elísabet Gunnarsdóttir 8, Ásta Birna Gunnarsdóttir 5, Guðrún Þóra Hálfdánsdóttir 3, Sunna Jónsdóttir 3, Marthe Sördal 1, Birna Berg Haraldsdóttir 1, Sigurbjörg Jóhannsdóttir 1.

Mörk HK: Elva Björg Arnarsdóttir 7, Brynja Magnúsdóttir 6, Elísa Ósk Viðarsdóttir 5, Elín Anna Baldursdóttir 3, Jóna Sigríður Halldórsdóttir 2, Gerður Arinbjarnar 1, Harpa Baldursdóttir 1, Arna Björk Almarsdóttir 1.