Hreggviður: Erum einfaldlega með betra lið

„Þetta var glæsilegur sigur á móti vel spilandi Þórsliði,“ sagði Hreggviður Magnússon, leikmaður KR, eftir sigurinn í kvöld.

KR bar sigur úr býtum gegn nýliðunum í Þór Þorlákshöfn, 90-84, og hefja því titilvörnina á sigri.

„Þeir eru nýliðar í þessari deild og vilja heldur betur sanna sig og við vissum alltaf að þetta yrði erfiður leikur“.

„Ég er bara gríðarlega ánægður með okkar lið og ná að skila sigri í fyrsta leik fyrir framan okkar áhorfendur“.

„Við erum með breiðara lið og sterkari liðsheild en þeir og það skóp þennan sigur í kvöld“.