Inga Elín Cryer og Ingibjörg Kristín Jóndóttir settu báðar Íslandsmet og Ragnheiður Ragnarsdóttir jafnaði innan við sólarhringsgamalt Íslandsmet í 3. hluti Íslandsmeistaramótsins í sundi æí 25 metra laug sem stendur yfir í Laugardalslauginni.
KR-ingurinn Ragnheiður Ragnarsdóttir synti 100 metra fjórsund á 1:01.72 mínútum í úrslitum í dag sem var nákvæmlega sami tími og þegar hún bætti Íslandsmet Erlu Daggar Haralsdóttur í undanrásunum í gær.
Skagastúlkan Inga Elín Cryer bætti sitt eigið met í 200 metra flugsundi þegar hún synti á 2:16.72 mínútum en gamla metið hennar var 2:17.97 mínútur. Inga Elín setti einnig Íslandsmet í 800 metra skriðsundi í gær.
SH-ingurinn Ingibjörg Kristín Jóndóttir bætti sitt eigið met í 50 metra baksundi þegar hún synti á 27.91 sekúndum en hún varð þar með fyrsta íslenska konan til að synda undir 28 sekúndur. Gamla metið var 28.11 sekúndur.
Þar með hafa þegar verið sett sjö íslandsmet á mótinu auk fjölda aldursflokkameta. Það er gaman að sjá að íslenska sundfólkið mætir greinilega í frábæru formi inn í nýtt tímabil.
Íslandsmeistarar í kvöld:
100 Fjórsund kvenna - Ragnheiður Ragnarsdóttir, KR [1:01.72 mínútur, Íslandsmet]
100 Fjórsund karla - Kristinn Þórarinsson, Fjölni [58.77 sekúndur]
100 metra skriðsund kvenna - Ingibjörg Kristín Jónsdóttir, SH [56.06 sekúndur]
100 metra skriðsund karla - Orri Freyr Gudmundsson, SH [51.02 sekúndur]
200 metra flugsund kvenna - Inga Elín Cryer, ÍA [2:16.72 mínútur, Íslandsmet]
200 metra flugsund karla - Jón Þór Hallgrímsson, ÍA [2:06.36 mínútur, Íslandsmet] 200 metra bringusund kvenna - Karen Sif Vilhjálmsdóttir, SH [2:35.50 mínútur]
200 metra bringusund karla - Jakob Jóhann Sveinsson, Ægi [2:12.42 mínútur]
50 metra baksund kvenna - Ingibjörg Kristín Jóndóttir, SH [27.91 sek., Íslandsmet]
50 metra baksund karla - Kolbeinn Hrafnkelsson, SH [26.88 sekúndur]
Íslandsmeistarar í gær:
800 metra skriðsund kvenna - Inga Elín Cryer, ÍA [8:46.42 mínútur, Íslandsmet]
1500 metra skriðsund karla - Anton Sveinn McKee, Ægi [15:33.20 mín., Íslandsmet]
