Man. Utd ekki í Meistaradeildina | Búið að refsa Sion

Sá möguleiki að Man. Utd komist bakdyramegin inn í Meistaradeildina er úr sögunni því svissneska knattspyrnusambandið hefur farið að ráðleggingum FIFA og refsað Sion fyrir að spila með ólöglega leikmenn.

Refsingin var af dýrari gerðinni en heil 36 stig voru tekin af liði Sion. FIFA gaf svissneska sambandinu frest fram á nýja árið til þess að taka á máli Sion. Ef ekkert yrði gert myndu lið frá Sviss ekki fá að spila í Evrópukeppnum lengur.

Basel heldur því sæti sínu í sextán liða úrslitum Meistaradeildarinnar og Man. Utd verður að sætta sig við að spila í Evrópudeildinni.