Fjárlaganefnd fundar um símtal Davíðs

Fjárlaganefnd Alþingis hefur verið kölluð saman til fundar í kvöld klukkan átta. Nefndin mun hitta fulltrúa frá Seðlabankanum og ræða umdeilt símtal Davíðs Oddssonar, fyrrverandi Seðlabankastjóra, og Meryn Kings.

Vísir ræddi við fulltrúa úr fjárlaganefnd sem sögðust litla hugmynd hafa um efni fundarins fyrir utan það að fulltrúar frá Seðlabankanum væru boðaðir á fundinn og væntanlega yrði samtal Davíðs og Mervyn Kings til umræðu.

Davíð Oddsson, fyrrverandi Seðlabankastjóri og ritstjóri Morgunblaðsins, fullyrt í viðtali í Viðskiptablaðinu fyrir skömmu að til væri upptaka af því þegar Mervyn King segir við Davíð að Icesave skuldin yrði afskrifuð.

King sagði í frétt Guardian nú um helgina að þetta væri rangt en rannsóknarnefnd Alþingis fékk ekki leyfi til að nota upptökuna þar sem King vissi ekki að samtal hans við Davíð Oddsson væri tekið upp.