Guðjón: Frakkar og Spánverjar eru betri en við í dag

Guðjón Valur Sigurðsson segir að spennufallið eftir Þjóðverjaleikinn hafi verið svo mikið að liðið náði sér ekki aftur á strik.

"Að fá á sig sextán mörk á fyrstu 20 mínútunum í seinni hálfleik er fyrir neðan allar hellur. Það er okkur að kenna," sagði Guðjón.

"Þjóðverjaleikurinn var mikið áfall. Svekkelsið eftir þann leik var rosalega mikið. Við verðum að viðurkenna að í augnablikinu eru Frakkar og Spánverjar betri en við.

"Lykilmenn lenda líka í meiðslum og það hafði sín áhrif líka. Það sem ég hef mestar áhyggjur af er að við skulum ekki ná okkur upp eftir Þjóðverjaleikinn."