Þarf sex hárgreiðslumenn

Hin tilvonandi prinsessa Kate Middleton ætlar ekki að ganga með úfið hár inn kirkjugólfið 29. apríl næstkomandi, því hún hefur ráðið heila sex hárgreiðslumenn til að sjá um hárið sitt þennan merkisdag.

Breskir fjölmiðlar keppast þessa dagana við að leka út hinum ýmsu smáatriðum varðandi hið konunglega brúðkaup og hafa greint frá því að prinsessan ætli að breyta hárgreiðslunni nokkrum sinnum yfir daginn. Hárgreiðslumennirnir eiga því að vera til þjónustu reiðubúnir allan daginn og við öllu búnir.