Íslenskir hagsmunir og ESB Jón Steindór Valdimarsson skrifar 28. júní 2011 11:00 Ísland ákvað að sækja um aðild að Evrópusambandinu með ákvörðun Alþingis 16. júlí 2009. Skýr meirihluti þjóðarinnar hefur verið að baki umsókninni og að leiða aðildarsamninga til lykta svo leggja megi hann í dóm þjóðarinnar. VatnaskilÍ dag eru tímamót í aðildarferlinu og eiginlegar samningaviðræður að hefjast að lokinni vel heppnaðri rýnivinnu þar sem lög og reglur Íslands og ESB hafa verið borin saman. Að mínu mati leikur enginn vafi á því að aðild Íslands getur orðið til góðs. Þess þarf að gæta að aðildin tryggi framtíðarhagsmuni okkar sem fullvalda og sjálfstæðrar þjóðar. Lífskjör og starfsskilyrði atvinnuveganna í víðu samhengi vega þar þyngst. Nefna má þætti á borð við efnahagslegan stöðugleika sem skapar festu í rekstri ríkis, sveitarfélaga, fyrir-tækja og heimila, samkeppnishæfa vexti, afnám verðtryggingar, lægra verð landbúnaðarafurða og aðgang að mörkuðum en ekki síst það að geta tekið þátt í mótun og setningu þeirra reglna er varða eigin örlög. Stöndum samanTil þess að ná þessum markmiðum þarf að halda á íslenskum hagsmunum af festu og samheldni. Veita þarf ríkisstjórn og samninganefndinni í senn virkan stuðning og aðhald í þessu mikilvæga verkefni. Samninganefndin er vel skipuð þrautreyndum samningamönnum. Engin ástæða er til að ætla annað en að hún nái góðum árangri. SamningsmarkmiðJá Ísland er samnefnari og félagsskapur þess fólks sem telur hag Íslands best borgið með þátttöku í ESB. Þá skoðun reisir hver um sig á eigin forsendum og setur um leið eigin kröfur til komandi aðildarsamnings. Já Ísland setur engu að síður fram nokkur atriði í fjölmiðlum í dag sem eru sem rauður þráður í stuðningi aðildarsinna. Þau er brýnt að tryggja enda varða þau grundvallarhagsmuni og snerta mjög fullveldi, sjálfstæði og sjálfræði okkar. Fullgildir þátttakendurÍsland verður að vera fullgildur þátttakandi í öllum stofnunum ESB og eiga aðild að öllum ákvörðunum og undirbúningi þeirra. Þessi réttur þarf að vera tryggður en síðan er það í valdi Íslands að vega og meta hvar það kýs að beita sér og hagsmunir þess eru mestir. Myntbandalag og evraBúa þarf þannig um hnúta að Íslandi verði gert mögulegt að taka upp evru svo fljótt sem verða má. Það er grundvöllur stöðugleika, lægri vaxta og afnáms verðtryggingar. Reyna þarf til þrautar að ná stuðningi ESB og Evrópska seðlabankans við að flýta því að uppfylla svokölluð Maastricht-skilyrði, ekki síst með því að styðja gengi krónunnar og losa um gjaldeyrishöft. Lægra verð landbúnaðarafurðaMatvælaverð er hátt á Íslandi, ekki síst þeirra landbúnaðar-afurða sem framleiddar eru hér á landi og njóta verndar. Vöruúrval gæti verið meira og betra ef vernd og tollar hyrfu. Aðildarsamningur verður að tryggja opnun markaða og skapa þannig grundvöll fyrir lægra verði til neytenda. Neytendur njóti tollabandalagsNeytendur eiga að geta notið bestu kjara í viðskiptum innan ESB. Tryggja verður að tollabandalagið nýtist íslenskum neytendum til fulls og að vöruviðskipti verði greið. Verðsamanburður á grundvelli sameiginlegrar myntar leiðir til aukinnar samkeppni og veitir íslenskri verslun og framleiðslu heilbrigt aðhald. NáttúruauðlindirÍsland er ríkt af náttúruauðlindum. Aðildarsamningur verður að tryggja óskoruð yfirráð yfir auðlindum lands, s.s. orku, vatns- og námaréttindum, og sama gildir um auðlindir á landgrunni s.s. mögulegar olíulindir. Fiskimiðin við Ísland eru ein mikilvægasta auðlind okkar og undirstaða mikilvægrar atvinnugreinar. Hér verður að búa svo um hnúta að efnahagslegur afrakstur auðlindarinnar verði tengdur órjúfanlegum böndum við Ísland. Samningurinn verður að tryggja að veiðar fari að ráðum vísindamanna þannig að fiskstofnar skaðist ekki og að erlendar útgerðir fái ekki meiri rétt á Íslandsmiðum en nú er. Landbúnaður og byggðaþróunMikilvægt er að ná því fram að reglur ESB um norðurslóðalandbúnað gildi hér og sérstaða íslensks landbúnaðar verði viðurkennd. Gildir það um takmörkuð landgæði, veðurfar og einangrun íslenskra húsdýrastofna. Samningar verða að fela í sér að hefðbundinn landbúnaður geti þrifist áfram. Ekki er síður mikilvægt að Ísland njóti til hins ítrasta góðs af verkefnum og reglum sem lúta að því að efla byggðaþróun og atvinnulíf í dreifðari byggðum. Markviss uppbygging og nýsköpun í atvinnumálum sem er ekki bundin við landbúnað eða sjávar-útveg er afar brýn til þess að styðja við mannlíf og atvinnulíf utan höfuðborgarsvæðisins. ÍslenskaTungumálið er okkur mikilvægt, enda tengt menningu og sjálfsvitund okkar órjúfanlegum böndum. Alþjóðavæðing og aukin samskipti við önnur málsamfélög gera brýnna en nokkru sinni að gæta tungunnar. Við gerum þá skýlausu kröfu að íslenska verði eitt af opinberum tungumálum ESB. Ekki skylda til hernaðarSéð verði til þess að Ísland haldi sérstöðu sinni sem land án hers og herskyldu. Íslenskir borgarar verði aldrei skyldaðir til herþjónustu, komi einhvern tíma til þess að ESB ríkin komi sér upp sameiginlegum her af einhverju tagi. Það þarf að gera þrátt fyrir að fátt bendi til þess að slíkt sé í bígerð. Hér má enginn vafi vera. Já ÍslandAðild Íslands að Evrópusambandinu er stórt skref í sögu okkar. Ákvörðun um aðild ber því að taka á grundvelli framtíðarhagsmuna og að vel ígrunduðu máli. Í því ljósi á að ganga til samninga við ESB og í því sama ljósi á hver og einn að meta afstöðu sína til aðildarsamningsins þegar þar að kemur. Það er ekki tilviljun að Já Ísland er heitið á sameiginlegum vettvangi okkar Evrópusinna. Það undirstrikar að hagsmunir Íslands eru okkur efst í huga þegar við komumst að þeirri niðurstöðu að leiðir Íslands og ESB eigi og geti legið vel saman. Það er grundvallaratriði að ná aðildarsamningi sem tryggir þessa hagsmuni. Viltu birta grein á Vísi? Sendu okkur póst. Senda grein Jón Steindór Valdimarsson Mest lesið Líf eftir afplánun Eva Sóley Kristjánsdóttir Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Ég hef… Karólína Helga Símonardóttir Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Fáni okkar allra Hörður Lárusson Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun Séríslensk hávaxtastefna Sigurjón Þórðarson Skoðun Mér var sagt að þegja á meðan fréttatíminn var Haukur Brynjarsson Skoðun Bætum fleiri stólum við borðið Ingibjörg Lilja Þórmundsdóttir Skoðun Skoðun Skoðun Skuggahliðar á þéttingu byggðar Þórarinn Hjaltason skrifar Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar Skoðun Jöfn skipting skulda og eigna í sambúð Sævar Þór Jónsson skrifar Skoðun Samstaða - afl sem breytir samfélaginu Heiða Björg Hilmarsdóttir skrifar Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar Skoðun Ólögleg veðmálastarfsemi á Íslandi Hákon Skúlason skrifar Skoðun Bætum fleiri stólum við borðið Ingibjörg Lilja Þórmundsdóttir skrifar Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Skoðun Pyrrosar sigur Helgi Tómasson skrifar Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar Skoðun Mér var sagt að þegja á meðan fréttatíminn var Haukur Brynjarsson skrifar Skoðun Allt fyrir Brussel og Nató, hitt reddast einhvern veginn Davíð Bergmann skrifar Skoðun Forljót grá hús Hjalti Andrason skrifar Skoðun Líf eftir afplánun Eva Sóley Kristjánsdóttir skrifar Skoðun Fáni okkar allra Hörður Lárusson skrifar Skoðun Séríslensk hávaxtastefna Sigurjón Þórðarson skrifar Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar Skoðun Ég hef… Karólína Helga Símonardóttir skrifar Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar Skoðun Er yfirvöldum alveg sama um fólk á bifhjólum? Njáll Gunnlaugsson skrifar Skoðun Ekki mamman í hópnum - leiðtoginn í hópnum Katrín Ásta Sigurjónsdóttir skrifar Skoðun Rannsóknarnefnd styrjalda Gunnar Einarsson skrifar Skoðun Börn eiga ekki heima í fangelsi Tótla I. Sæmundsdóttir skrifar Skoðun Aðförin að einkabílnum eða bara meira frelsi? Kristín Hrefna Halldórsdóttir skrifar Skoðun Kvöld sem er ekki bara fyrir börnin Alicja Lei skrifar Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar Skoðun Málið er dautt (A Modest Proposal) skrifar Skoðun Femínísk utanríkisstefna: aukin samstaða og aðgerðir Guillaume Bazard skrifar Skoðun Hagsmunir flugrekstrar á Íslandi eru miklir Jóhannes Bjarni Guðmundsson skrifar Sjá meira
Ísland ákvað að sækja um aðild að Evrópusambandinu með ákvörðun Alþingis 16. júlí 2009. Skýr meirihluti þjóðarinnar hefur verið að baki umsókninni og að leiða aðildarsamninga til lykta svo leggja megi hann í dóm þjóðarinnar. VatnaskilÍ dag eru tímamót í aðildarferlinu og eiginlegar samningaviðræður að hefjast að lokinni vel heppnaðri rýnivinnu þar sem lög og reglur Íslands og ESB hafa verið borin saman. Að mínu mati leikur enginn vafi á því að aðild Íslands getur orðið til góðs. Þess þarf að gæta að aðildin tryggi framtíðarhagsmuni okkar sem fullvalda og sjálfstæðrar þjóðar. Lífskjör og starfsskilyrði atvinnuveganna í víðu samhengi vega þar þyngst. Nefna má þætti á borð við efnahagslegan stöðugleika sem skapar festu í rekstri ríkis, sveitarfélaga, fyrir-tækja og heimila, samkeppnishæfa vexti, afnám verðtryggingar, lægra verð landbúnaðarafurða og aðgang að mörkuðum en ekki síst það að geta tekið þátt í mótun og setningu þeirra reglna er varða eigin örlög. Stöndum samanTil þess að ná þessum markmiðum þarf að halda á íslenskum hagsmunum af festu og samheldni. Veita þarf ríkisstjórn og samninganefndinni í senn virkan stuðning og aðhald í þessu mikilvæga verkefni. Samninganefndin er vel skipuð þrautreyndum samningamönnum. Engin ástæða er til að ætla annað en að hún nái góðum árangri. SamningsmarkmiðJá Ísland er samnefnari og félagsskapur þess fólks sem telur hag Íslands best borgið með þátttöku í ESB. Þá skoðun reisir hver um sig á eigin forsendum og setur um leið eigin kröfur til komandi aðildarsamnings. Já Ísland setur engu að síður fram nokkur atriði í fjölmiðlum í dag sem eru sem rauður þráður í stuðningi aðildarsinna. Þau er brýnt að tryggja enda varða þau grundvallarhagsmuni og snerta mjög fullveldi, sjálfstæði og sjálfræði okkar. Fullgildir þátttakendurÍsland verður að vera fullgildur þátttakandi í öllum stofnunum ESB og eiga aðild að öllum ákvörðunum og undirbúningi þeirra. Þessi réttur þarf að vera tryggður en síðan er það í valdi Íslands að vega og meta hvar það kýs að beita sér og hagsmunir þess eru mestir. Myntbandalag og evraBúa þarf þannig um hnúta að Íslandi verði gert mögulegt að taka upp evru svo fljótt sem verða má. Það er grundvöllur stöðugleika, lægri vaxta og afnáms verðtryggingar. Reyna þarf til þrautar að ná stuðningi ESB og Evrópska seðlabankans við að flýta því að uppfylla svokölluð Maastricht-skilyrði, ekki síst með því að styðja gengi krónunnar og losa um gjaldeyrishöft. Lægra verð landbúnaðarafurðaMatvælaverð er hátt á Íslandi, ekki síst þeirra landbúnaðar-afurða sem framleiddar eru hér á landi og njóta verndar. Vöruúrval gæti verið meira og betra ef vernd og tollar hyrfu. Aðildarsamningur verður að tryggja opnun markaða og skapa þannig grundvöll fyrir lægra verði til neytenda. Neytendur njóti tollabandalagsNeytendur eiga að geta notið bestu kjara í viðskiptum innan ESB. Tryggja verður að tollabandalagið nýtist íslenskum neytendum til fulls og að vöruviðskipti verði greið. Verðsamanburður á grundvelli sameiginlegrar myntar leiðir til aukinnar samkeppni og veitir íslenskri verslun og framleiðslu heilbrigt aðhald. NáttúruauðlindirÍsland er ríkt af náttúruauðlindum. Aðildarsamningur verður að tryggja óskoruð yfirráð yfir auðlindum lands, s.s. orku, vatns- og námaréttindum, og sama gildir um auðlindir á landgrunni s.s. mögulegar olíulindir. Fiskimiðin við Ísland eru ein mikilvægasta auðlind okkar og undirstaða mikilvægrar atvinnugreinar. Hér verður að búa svo um hnúta að efnahagslegur afrakstur auðlindarinnar verði tengdur órjúfanlegum böndum við Ísland. Samningurinn verður að tryggja að veiðar fari að ráðum vísindamanna þannig að fiskstofnar skaðist ekki og að erlendar útgerðir fái ekki meiri rétt á Íslandsmiðum en nú er. Landbúnaður og byggðaþróunMikilvægt er að ná því fram að reglur ESB um norðurslóðalandbúnað gildi hér og sérstaða íslensks landbúnaðar verði viðurkennd. Gildir það um takmörkuð landgæði, veðurfar og einangrun íslenskra húsdýrastofna. Samningar verða að fela í sér að hefðbundinn landbúnaður geti þrifist áfram. Ekki er síður mikilvægt að Ísland njóti til hins ítrasta góðs af verkefnum og reglum sem lúta að því að efla byggðaþróun og atvinnulíf í dreifðari byggðum. Markviss uppbygging og nýsköpun í atvinnumálum sem er ekki bundin við landbúnað eða sjávar-útveg er afar brýn til þess að styðja við mannlíf og atvinnulíf utan höfuðborgarsvæðisins. ÍslenskaTungumálið er okkur mikilvægt, enda tengt menningu og sjálfsvitund okkar órjúfanlegum böndum. Alþjóðavæðing og aukin samskipti við önnur málsamfélög gera brýnna en nokkru sinni að gæta tungunnar. Við gerum þá skýlausu kröfu að íslenska verði eitt af opinberum tungumálum ESB. Ekki skylda til hernaðarSéð verði til þess að Ísland haldi sérstöðu sinni sem land án hers og herskyldu. Íslenskir borgarar verði aldrei skyldaðir til herþjónustu, komi einhvern tíma til þess að ESB ríkin komi sér upp sameiginlegum her af einhverju tagi. Það þarf að gera þrátt fyrir að fátt bendi til þess að slíkt sé í bígerð. Hér má enginn vafi vera. Já ÍslandAðild Íslands að Evrópusambandinu er stórt skref í sögu okkar. Ákvörðun um aðild ber því að taka á grundvelli framtíðarhagsmuna og að vel ígrunduðu máli. Í því ljósi á að ganga til samninga við ESB og í því sama ljósi á hver og einn að meta afstöðu sína til aðildarsamningsins þegar þar að kemur. Það er ekki tilviljun að Já Ísland er heitið á sameiginlegum vettvangi okkar Evrópusinna. Það undirstrikar að hagsmunir Íslands eru okkur efst í huga þegar við komumst að þeirri niðurstöðu að leiðir Íslands og ESB eigi og geti legið vel saman. Það er grundvallaratriði að ná aðildarsamningi sem tryggir þessa hagsmuni.
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun
Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar
Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar
Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar
Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar
Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar
Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun