Axarárás fer fyrir hæstarétt

Mál mannsins sem réðst inn á heimili skopteiknarans Kurt Westergaard á nýársdag í fyrra fer fyrir hæstarétt eftir úrskurð áfrýjunarnefndar í gær.

Muhudiin Mohamed Geele hefur þegar verið fundinn sekur um hryðjuverk og morðtilraun í neðri dómsstigum og var dæmdur í tíu ára fangelsi í sumar.

Hann vill hins vegar ekki meina að um hryðjuverk hafi verið að ræða þar sem ætlunin með því að brjótast inn vopnaður öxi hafi verið að hræða Westergaard, sem vakti mikla úlfúð með skopteikningum sínum af spámanninum Múhameð.- þj