Komin lengra á leið

Verið gæti að söngkonan Beyonce sé komin lengra á leið með fyrsta barn sitt og rapparans Jay-Z en áður var haldið.

Parið hafði áður tilkynnt að fæðingardagur barnsins yrði í febrúar, en nýleg myndbandsupptaka af Beyonce sem rataði á netið á dögunum hefur heldur betur ruglað fólk í ríminu. Í myndbandinu, sem tekið er í september, segist hún vera komin sex mánuði á leið og glöggir aðdáendur söngkonunnar áttuðu sig strax á að það leiddi af sér að von væri á barninu í desember.