Gefur plötu á netinu

Rapparinn Emmsjé Gauti hefur ákveðið að gefa aðdáendum sínum níu laga plötu á netinu sem heitir Í freyðibaði með Emmsjé Gauta.

Þar er að finna mixtape-lög undir áhrifum frá tónleikaröð hans Í freyðibaði. Hún hefur staðið yfir undanfarna þrjá mánuði og hafa flytjendur á borð við Skytturnar, 7berg, Gísli Pálma, Forgotten Lores og Úlfur úlfur spilað á þessum kvöldum. Plötuna verður að finna á síðunni emmsjegauti.com. Rapparinn gaf fyrr á árinu út sína fyrstu plötu, Bara ég.