Fréttaskýring: Evrulönd á krossgötum Friðrik Indriðason skrifar 17. janúar 2011 13:43 Margir topphagfræðingar hafa í dag lýst þeirri skoðun sinni að leyfa eigi Grikklandi að verða gjaldþrota. Slíkt eigi einnig að leyfa Portúgal og Írlandi ef þurfa þykir. Þetta kemur fram í leiðara í hinu virta tímariti The Economist og hjá greiningardeildum banka á borð við Goldman Sachs og Barclay´s. Gjaldþrotaleiðin myndi byggjast á svokallaðri Brady-áætlun frá níunda áratug síðustu aldar. Áætlunin er nefnd í höfuðið á Nicholas F. Brady þáverandi fjármálaráðherra Bandaríkjanna. Hún gekk út á að bjarga fjölda landa, einkum í Suður-Ameríku, frá gjaldþrotum með endurskipulagningu á skuldum þeirra. Í stuttu máli gekk Brady-áætlunin út á að skuldabréfum þessara landa var skipt út fyrir ný skuldbréf með lægra nafnvirði og/eða lægri vöxtum. Upphæðirnar og vaxtagreiðslurnar voru miðaðar við greiðslugetu viðkomandi lands. Fjárfestar tóku á sig höggið. Af þeim löndum sem fóru í gegnum þetta ferli má nefna Mexíkó, Brasilíu, Argentínu, Kosta Ríka, Ekvador, Pólland, Búlgaríu og Marokkó. Hvað stöðu Grikklands varðar hefur The Economist reiknað út að þrátt fyrir neyðarlán ESB og Alþjóðagjaldeyrissjóðsins og blóðugan niðurskurð stjórnvalda í Grikklandi muni skuldir Grikkja halda áfram að vaxa. Árið 2015 verði skuldirnar orðnar 165% af landsframleiðslu landsins og þurfi Grikkir þá að nota 8-9% af landsframleiðslunni í að greiða vextina af skuldunum. Þetta sé algerlega ofvaxið gríska hagkerfinu. Í ítarlegri umfjöllun um skuldakreppuna meðal evrulandanna á börsen.dk segir að löndin standi á krossgötum og að árið í ár verði það örlagaríkasta í sögu myntbandalagsins. Í ár verði teknar pólitískar ákvarðanir sem muni hafa áhrif næstu áratugina. Í dag munu fjármálaráðherrar evrulandanna halda fund þar sem rætt verður hvernig skuldsettustu löndin eigi að lifa af í myntbandalaginu og hvernig komist verði hjá því að þau dragi evruna niður með sér í fallinu. Börsen vitnar í Ulrik Bie forstöðumann greiningardeildar Nykredit. Bie segir að sama hvaða aðgerðir verði ákveðnar muni þunginn af þeim á endanum lenda á þýskum skattgreiðendum. Þýskir skattgreiðendur hafi þó engann áhuga á að borga fyrir „fjármálasukk" annarra landa innan myntbandalagsins. Því megi líkja myntbandalaginu við pólitískt jarðsprengjusvæði. Meðal þeirra sem hvetja til Brady-áætlunar sem lausn fyrir verst settu löndin innan myntbandalagsins er Erik Nielsen aðalhagfræðingur Goldman Sachs í London. Nielsen segir í samtali við Bloomberg að þetta sé nokkuð sem verði að reyna. Michael Dicks einn af yfirmönnum Barlays Wealth Management er sammála Nielsen. Dicks segir að aðgerða sé þörf..."sem lengja afborgunartímabilið og minnka núvirði skuldanna. Þannig verði skuldabyrðunum skipt með eigendum skuldabréfanna og þær lendi ekki einungis á ríkissjóðunum." Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Gengi Icelandair flaug upp á við Viðskipti innlent Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur Segir engar breytingar hafa verið gerðar á uppskrift SS pylsna Neytendur Útlit fyrir frekari verðhækkanir á kaffimarkaði Neytendur Atvinnumissir: „Ég kunni nú ekki við að spyrja Jón beint“ Atvinnulíf Milljarður í arðgreiðslur hjá Toyota Viðskipti innlent Spá 7,5 prósent stýrivöxtum í lok 2025 Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Margir topphagfræðingar hafa í dag lýst þeirri skoðun sinni að leyfa eigi Grikklandi að verða gjaldþrota. Slíkt eigi einnig að leyfa Portúgal og Írlandi ef þurfa þykir. Þetta kemur fram í leiðara í hinu virta tímariti The Economist og hjá greiningardeildum banka á borð við Goldman Sachs og Barclay´s. Gjaldþrotaleiðin myndi byggjast á svokallaðri Brady-áætlun frá níunda áratug síðustu aldar. Áætlunin er nefnd í höfuðið á Nicholas F. Brady þáverandi fjármálaráðherra Bandaríkjanna. Hún gekk út á að bjarga fjölda landa, einkum í Suður-Ameríku, frá gjaldþrotum með endurskipulagningu á skuldum þeirra. Í stuttu máli gekk Brady-áætlunin út á að skuldabréfum þessara landa var skipt út fyrir ný skuldbréf með lægra nafnvirði og/eða lægri vöxtum. Upphæðirnar og vaxtagreiðslurnar voru miðaðar við greiðslugetu viðkomandi lands. Fjárfestar tóku á sig höggið. Af þeim löndum sem fóru í gegnum þetta ferli má nefna Mexíkó, Brasilíu, Argentínu, Kosta Ríka, Ekvador, Pólland, Búlgaríu og Marokkó. Hvað stöðu Grikklands varðar hefur The Economist reiknað út að þrátt fyrir neyðarlán ESB og Alþjóðagjaldeyrissjóðsins og blóðugan niðurskurð stjórnvalda í Grikklandi muni skuldir Grikkja halda áfram að vaxa. Árið 2015 verði skuldirnar orðnar 165% af landsframleiðslu landsins og þurfi Grikkir þá að nota 8-9% af landsframleiðslunni í að greiða vextina af skuldunum. Þetta sé algerlega ofvaxið gríska hagkerfinu. Í ítarlegri umfjöllun um skuldakreppuna meðal evrulandanna á börsen.dk segir að löndin standi á krossgötum og að árið í ár verði það örlagaríkasta í sögu myntbandalagsins. Í ár verði teknar pólitískar ákvarðanir sem muni hafa áhrif næstu áratugina. Í dag munu fjármálaráðherrar evrulandanna halda fund þar sem rætt verður hvernig skuldsettustu löndin eigi að lifa af í myntbandalaginu og hvernig komist verði hjá því að þau dragi evruna niður með sér í fallinu. Börsen vitnar í Ulrik Bie forstöðumann greiningardeildar Nykredit. Bie segir að sama hvaða aðgerðir verði ákveðnar muni þunginn af þeim á endanum lenda á þýskum skattgreiðendum. Þýskir skattgreiðendur hafi þó engann áhuga á að borga fyrir „fjármálasukk" annarra landa innan myntbandalagsins. Því megi líkja myntbandalaginu við pólitískt jarðsprengjusvæði. Meðal þeirra sem hvetja til Brady-áætlunar sem lausn fyrir verst settu löndin innan myntbandalagsins er Erik Nielsen aðalhagfræðingur Goldman Sachs í London. Nielsen segir í samtali við Bloomberg að þetta sé nokkuð sem verði að reyna. Michael Dicks einn af yfirmönnum Barlays Wealth Management er sammála Nielsen. Dicks segir að aðgerða sé þörf..."sem lengja afborgunartímabilið og minnka núvirði skuldanna. Þannig verði skuldabyrðunum skipt með eigendum skuldabréfanna og þær lendi ekki einungis á ríkissjóðunum."
Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Gengi Icelandair flaug upp á við Viðskipti innlent Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur Segir engar breytingar hafa verið gerðar á uppskrift SS pylsna Neytendur Útlit fyrir frekari verðhækkanir á kaffimarkaði Neytendur Atvinnumissir: „Ég kunni nú ekki við að spyrja Jón beint“ Atvinnulíf Milljarður í arðgreiðslur hjá Toyota Viðskipti innlent Spá 7,5 prósent stýrivöxtum í lok 2025 Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira