Hæfileikaríka merin Sylvía Nótt til sölu

Má bjóða þér að kaupa Sylvíu Nótt fyrir aðeins sex hundruð þúsund krónur? Hún fær ágætiseinkun. Sköpulag: 94. Hæfileikar: 90. Aðaleinkunn: 89.

Ekki það besta í bransanum. En líklega ekki það lélegasta heldur.

Sylvía er sjö vetra kynbótameri og er lýst sem efnilegum keppnishesti og reiðhesti. Sylvíu Nótt kom í heiminn fyrir sjö árum síðan. Sama ár og nafna hennar vann Eddu fyrir besta skemmtiþáttinn og sem sjónvarpsmaður ársins. Ári seinna tók hún þátt í Júróvisjón keppninni í Grikklandi með lagið Congratulations eins og frægt er orðið.

Foreldrar hennar, merarinnar það er að segja, eru Glanni frá Blöndubakka og Fiona frá Neðstabæ. Liturinn hennar er Jarpur. Og nánari upplýsingar um þessa hæfileikaríku meri má nálgast hér.