Howard spilar ekki meira í vetur og missir líklega af ÓL

Skrautlegu tímabili miðherja Orlando Magic, Dwight Howard, er lokið og hann mun líklega ekki heldur taka þátt í Ólympíuleikunum í sumar.

Howard segist þurfa að fara í bakaðgerð og þolir aðgerðin víst enga bið.

"Ég reyndi að spila með sársaukann en bakið versnaði bara með hverjum leik," sagði Howard en hann hefur verið slæmur í bakinu síðan i mars.

Hann hefur misst af síðustu sex leikjum Orlando vegna meiðslanna og spilar ekki meira í vetur en Orlando er á leið í úrslitakeppnina.