Drogba: Þetta var skrifað í skýin fyrir löngu síðan

Didier Drogba var hetja Chelsea í úrslitaleik Meistaradeildarinnar í München í kvöld þegar Chelsea vann titilinn eftir sigur á Bayern í vítakeppni. Drogba tryggði Chelsea framlengingu með því að skora jöfnunarmarkið tveimur mínútum fyrir leikslok og skoraði síðan úr síðustu spyrnunni í vítakeppninni.

„Þetta voru örlögin okkar. Ég trúi mikið á þau og er líka duglegur að biðja bænirnar mínar," sagði Didier Drogba eftir leikinn.

„Þetta var skrifað í skýin fyrir löngu síðan. Guð er dásamlegur og Chelsea-liðið er stórkostlegt," sagði Drogba.

„Ég vil tileinka þennan sigur öllum stjórunum og leikmönnunum sem hafa verið með okkur," sagði Drogba.

„Markið mitt breytti leiknum og ég er rosalega ánægður. Lífið er yndislegt," sagði Drogba.