Duncan ætlar aldrei að fara frá Spurs

Tim Duncan segir það ekki koma til greina að fara frá San Antonio Spurs í sumar þó svo hann verði þá með lausan samning hjá félaginu.

"Nei, ég fer ekki neitt. Þið megið birta það sem þið viljið en ég er leikmaður Spurs þar til ég hætti," sagði Duncan við blaðamenn.

Hann er búinn að vera hjá félaginu allan sinn feril og er fyrir löngu síðan orðinn goðsögn hjá stuðningsmönnum félagsins.

Spurs er búið að vinna 19 leiki í röð í NBA-deildinni og er komið í úrslit Vesturdeildarinnar þar sem það leiðir 1ö0 í einvíginu gegn Oklahoma.

Annar leikur liðanna fer fram í nótt.