Zlatan: Milan er í fjárhagsvandræðum

Svíinn Zlatan Ibrahimovic óttast að félag hans, AC Milan, muni ekki geta styrkt sig almennilega í sumar en miklar breytingar munu verða á liðinu.

Fjölmargir eldri leikmenn liðsins eru annað hvort farnir eða hættir og óhætt að tala um kynslóðaskipti hjá ítalska liðinu.

"Vandamál Milan er fjárhagslegs eðlis. Við höfum ekki peninga til þess að kaupa fimm leikmenn eða þá leikmenn sem okkur vantar," sagði Zlatan.

"Við erum þegar búnir að fá tvo leikmenn og kannski kemur sá þriðji. Ég er samt ekki á förum frá félaginu og mun virða minn samning."