Alfreð lagði upp öll þrjú mörkin í stórsigri Helsingborg

Alfreð Finnbogason og félagar í sænska liðinu Helsingborg komust í kvöld áfram í forkeppni Meistaradeildarinnar eftir 3-1 heimasigur á pólska liðinu Slask Wroclaw. Helsingborg vann fyrri leikinn 3-0 og þar með 6-1 samanlagt.

Alfreð átti flottan leik og lagði upp öll þrjú mörk liðsins. Norðmaðurinn Thomas Sörum átti Alfreð mikið að þakka því hann skoraði skoraði þrennu eftir þessar sendingar íslenska landsliðsmannsins.

Sörum skoraði mörkin sín á 43., 49. og 68. mínútu en Cristian Diaz hafði komið Pólverjunum yfir á 31. mínútu.

Alfreð átti mikinn þátt í að Helsingborg komst áfram því hann kom Svíunum í 1-0 í fyrri leiknum í Póllandi.