Terry tekur þátt í baráttunni gegn kynþáttaníði

Það er ansi líklegt að John Terry verði fyrirliði Chelsea í Meistaradeildinni á morgun. Ef svo fer þá mun hann bera fyrirliðaband með slagorði gegn kynþáttaníði.

Aðeins tæp vika er síðan Terry var dæmdur í fjögurra leikja bann fyrir kynþáttaníð í garð Anton Ferdinand, leikmanns QPR.

Allir fyrirliðar liða í Meistaradeildinni í vikunni verða beðnir um að bera þessi gulu fyrirliðabönd.

Þegar hefur verið staðfest að Terry spili leikinn og líklegt að hann mæti með gula fyrirliðabandið til leiks líka.