Körfubolti

NBA í nótt: Loksins sigur hjá Lakers

Eiríkur Stefán Ásgeirsson skrifar
Kobe Bryant og Jason Maxiell í baráttunni í nótt.
Kobe Bryant og Jason Maxiell í baráttunni í nótt. Mynd/AP
LA Lakers vann í nótt sinn fyrsta sigur á tímabilinu þegar að liðið mætti Detroit Pistons og vann, 108-79.

Lakers tapaði öllum leikjum sínum á undirbúningstímabilinu og svo fyrstu þremur leikjunum eftir að keppni hófst í NBA-deildinni í síðasta mánuði.

Detroit hafði einnig tapað fyrstu leikjum sínum á tímabilinu og ljóst að eitthvað varð undan að láta. Detroit hefur nú leikið þrjá leiki en tapað þeim öllum.

Dwight Howard var stigahæstur í liði Lakers í nótt og skoraði 28 stig. Kobe Bryant var með fimmtán stig og átján stoðsendingar.

Hjá Detroit var Jonas Jerebko stigahæstur með átján stig.

Alls fóru fimm leikir fram í NBA-deildinni í nótt.

Úrslitin:

LA Lakers - Detroit Pistons 108-79

New York Knicks - Philadelphia 76ers 100-84

Toronto Raptors - Minnesota Timberwolves 105-86

Orlando Magic - Phoenix Suns 115-94

Oklahoma City - Atlanta Hawks 95-104

NBA

Mest lesið


Fleiri fréttir

Sjá meira


×

Mest lesið