Aron byrjaði betur en Guðmundur, Alfreð, Viggó og Þorbjörn

Aron Kristjánsson, stýrði íslenska karlalandsliðinu í handbolta til átta marka sigurs á Hvít-Rússum í Laugardalshöllinni í gærkvöldi, 36-28, en þetta var fyrsti leikur landsliðsins undir hans stjórn.

Þetta er besta byrjun karlalandsliðsþjálfara í 22 ár eða síðan að íslenska liðið vann 11 marka sigur á Kúvæt í fyrsta leik Þorbergs Aðalsteinssonar í Kaplakrika 28. júní 1990, 26-15.

Guðmundur Guðmundsson náði ekki að vinna sinn fyrsta leik sem landsliðsþjálfari en landsliðið gerði jafntefli við Holland í fyrsta leik hans 2001 og tapaði síðan fyrir Spáni þegar hann tók aftur við liðinu 2008.

Alfreð Gíslason var eini þjálfarinn sem hafði unnið sinn fyrsta leik því landsliðið vann Dani í fyrsta leik undir hans stjórn 2006. Alfreð er líka sá eini á þessum tíma sem vann bæði fyrsta leikinn og fyrsta keppnisleikinn.

Svona byrjuðu síðustu landsliðsþjálfarar:

Aron Kristjánsson 2012-

Fyrsti leikur: 36-28 sigur á Hvíta-Rússlandi

Fyrsti keppnisleikur: 36-28 sigur á Hvíta-Rússlandi

Guðmundur Guðmundsson 2008-2012

Fyrsti leikur: 31-34 tap fyrir Spáni

Fyrsti keppnisleikur: 36-27 sigur á Argentínu

Alfreð Gíslason 2006-2008

Fyrsti leikur: 34-33 sigur á Danmörku

Fyrsti keppnisleikur: 32-28 sigur á Svíþjóð

Viggó Sigurðsson 2004-2006

Fyrsti leikur: 28-29 tap fyrir Þýskalandi

Fyrsti keppnisleikur: 34-34 jafntefli við Tékkland

Guðmundur Guðmundsson 2001-2004

Fyrsti leikur: 21-21 jafntefli við Holland

Fyrsti keppnisleikur: 30-23 sigur á Hvíta-Rússlandi

Þorbjörn Jensson 1995-2001

Fyrsti leikur: 27-23 sigur á Noregi

Fyrsti keppnisleikur: 19-21 tap fyrir Rúmeníu

Þorbergur Aðalsteinsson 1990-1995

Fyrsti leikur: 26-15 sigur á Kúvæt

Fyrsti keppnisleikur: 30-20 sigur á Hollandi

Bogdan Kowalczyk 1983-1990

Fyrsti leikur: 17-21 tap fyrir Tékkóslóvakíu

Fyrsti keppnisleikur: 22-22 jafntefli við Júgóslavíu