Adriano dæmdur í eins leiks bann

Einn umdeildasti leikmaðurinn í Evrópuboltanum í dag, Luiz Adriano, var í dag dæmdur í eins leiks bann í Meistaradeildinni fyrir óheiðarlegan leik.

Adriano stal boltanum og skoraði fyrir lið sitt, Shaktar Donetsk, er þeir voru að spila boltanum til baka á Nordsjælland. Varð allt vitlaust er hann skoraði en þetta var fyrsta mark hans af þremur í deildinni.

Adriano mun missa af lokaleik Shaktar í riðlakeppni Meistaradeildarinnar gegn Juventus og hann þarf einnig að vinna samfélagsþjónustu fyrir fótboltann í heilan dag.

Knattspyrnusamband Evrópu, UEFA, hefur siðareglur sem menn eiga að vinna eftir. Adriano er dæmdur í bann fyrir að brjóta þær.