Enn eitt metið hjá Messi

Lionel Messi bætti í kvöld enn eitt metið er hann skoraði tvö mörk í 3-0 sigri Barcelona á Spartak Moskvu í Meistaradeild Evrópu.

Messi hefur nú skorað minnst tvö mörk í Meistaradeildarleik fimmtán sinnum. Enginn leikmaður hefur afrekað það áður.

Þá jafnaði hann met Spánverjans Raúl en þeir hafa nú skorað í nítján mismunandi borgum á Meistaradeildarferlinum.

Hann hefur nú skorað alls 80 mörk á árinu 2012 og vantar fimm mörk til að jafna met Þjóðverjans Gerd Müller sem á metið yfir flest mörk á einu almanaksári.