Anton og Hlynur dæma á HM á Spáni

Anton Pálsson og Hlynur Leifsson eru í hópi 32 dómara sem hafa verið valdir til þess að sjá um dómgæsluna á leikjunum á heimsmeistaramótinu í handbolta sem fram fer á Spáni í janúar. Alls eru 24 dómarar frá Evrópu, en hin pörin koma frá Afríku, Suður-Ameríku, og fjórir dómarar eru frá Asíu.

Ísland er á meðal þeirra þjóða sem verða með á HM, en Ísland er í B-riðli sem leikinn verður í Sevilla. Liðin sem eru með Íslandi í riðli eru: Katar, Síle, Rússland, Makedónía og Danmörk.

Allir leikir Íslands verða í beinni útsendingu á Stöð 2 sport – auk fjölda annarra leikja.