NBA í nótt: James og Wade sáu um Atlanta

LeBron James skoraði 27 stig fyrir Miami Heat í nótt þegar liðið lagði Atlanta 101-92 á heimavelli. Dwyane Wade skoraði 26 en þeir félagar hittu úr 21 af alls 29 skotum sínum í leiknum. Þetta var aðeins annar tapleikur Atlanta í síðustu 11 leikjum. Josh Smith skoraði 22 stig fyrir Atlanta og Al Horford skoraði 20 og tók 11 fráköst.

Houston – San Antonio 126-134

Gary Neal skoraði sjö þriggja stiga körfur fyrir San Antonio sem hafði betur eftir framlengingu. Neal skoraði alls 29 stig, Tony Parker náði þrefaldri tvennu fyrir San Antonio með 27 stigum, 12 fráköstum og 12 stoðsendingum. Jeremy Lin lék sinn besta leik fyrir Houston en hann skoraði 38 stig en James Harden lék ekki með Houston vegna meiðsla á ökkla.

Charlotte – Golden State 96-104

Stephen Curry skoraði 27 stig fyrir Golden State auk þess sem hann tók 7 fráköst og gaf 7 stoðsendingar. David Lee skoraði 25 stig og tók 11 fráköst fyrir Golden State sem hefur unnið 14 leiki en tapað 7 á tímabilinu. Liðið hefur unnið sjö af síðust átta leikjum sínum. Kemba Walker skoraði 24 stig fyrir Charlotte sem hefur tapað átta leikjum í röð.

Dallas – Sacramento 119-96

O.J. Mayo skoraði 19 stig fyrir Dallas sem skoraði 31 stig gegn aðeins 3 stigum Sacramento í fyrri hálfleik.

Portland – Toronto 92-74

LaMarcus Aldridge skoraði 30 stig og tók 12 fráköst fyrir Portland. DeMar DeRozan skoraði 20 stig fyrir Toronto. Andrea Bargnani leikmaður Toronto meiddist á olnboga í leiknum og er óvíst hve alvarleg meiðslins eru. Kyle Lowry leikmaður Toronto meiddist einnig í leiknum.

Philadelphia – Detroit 104-97

Evan Turner skoraði 18 stig og tók 11 fráköst fyrir Philadelphia, Jrue Holiday skoraði 25 stig fyrir heimamenn. Rodney Stuckey skoraði 19 fyrir Detroit, og Tayshaun Prince skoraði 16.