Alexander Petersson verður ekki með íslenska landsliðinu á HM á Spáni Kolbeinn Tumi Daðason skrifar 21. desember 2012 09:46 Alexander Petersson hefur verið lykilmaður í vörn sem sókn í íslenska landsliðinu undanfarin ár. Nordicphotos/Getty Alexander Petersson verður ekki með íslenska landsliðinu í handknattleik á heimsmeistaramótinu sem fram fer á Spáni í janúar. Alexander hefur glímt við meiðsli í öxl í lengri tíma og þarf á langþráðri hvíld að halda. Handbolti Alexander Petersson gefur ekki kost á sér í íslenska landsliðið í handknattleik á HM á Spáni sem fram fer í janúar. Alexander var í 28 manna hópi sem landsliðsþjálfarinn Aron Kristjánsson tilkynnti í vikunni þó vonin um þátttöku hans væri veik. Nú hefur allur vafi verið tekinn af. „Ég hef tekið þá ákvörðun að vera ekki með í þetta sinn því ég tel að það sé mikilvægara fyrir mig og landsliðið að ég nái mér góðum og komi þá enn sterkari til leiks í framtíðinni," segir Alexander í samtali við Fréttablaðið og Vísi. Örvhenta skyttan hefur glímt við meiðsli á öxl í langan tíma. Meiðslin plöguðu Alexander einnig í aðdraganda Evrópumótsins í Serbíu í janúar en hann gaf engu að síður kost á sér. Hann spilaði töluvert framan af móti en svo sagði líkaminn stopp. Hann segir það sennilega hafa verið mistök að gefa kost á sér og hann hafi lært af þeim mistökum. „Í þetta sinn er ég að hlusta á líkama minn sem hefur ekki fengið frí í eitt og hálft ár. Það er ekki mannlegt að spila á þremur stórmótum á einu ári. Það mun verða mjög erfitt að horfa á strákana spila og ekki geta verið með," segir Alexander sem varð 32 ára í júlí. Það sé ósk hans að fólk skilji og virði ákvörðun sína. Það sé ólíkt að spila með félagsliði og á stórmóti þar sem leikjaálagið er gífurlegt og hver einasti leikur upp á líf eða dauða. Verkir fylgja hverju skotiAlexander skoraði fimm mörk í sigri Rhein-Neckar Löwen á Balingen á miðvikudagskvöldið. Þeirra á meðal var sigurmarkið en Alexander hafði lítið komið við sögu í leikjum Löwen síðan liðið mætti Kiel í lok nóvember. Síðan þá hafi hann æft án þess að geta skotið og um tíma gat hann ekki einu sinni sent boltann. „Ég hef ekki getað kastað bolta af fullum krafti í rúmar þrjár vikur. Þessi leikur var mjög mikilvægur fyrir liðið mitt og ég vildi reyna að hjálpa eins mikið og ég gat," segir Alexander en mörk hans komu ekki úr hörkuskotum heldur af stuttum færum. „Ég tók verkjalyf fyrir leik sem ég geri helst ekki en það hjálpaði örlítið. Flest mörkin komu af 6-7 metrum og krafturinn var ekkert í líkingu við þann sem ég hafði áður. Eftir hvert skot fylgdu verkir og mun ég gjalda fyrir það næstu daga," segir Alexander sem hefur þó verið til taks á bekknum. „Guðmundur (Þórður Guðmundsson, þjálfari Rhein-Neckar Löwen) hefur viljað hafa mig á bekknum meira sem stuðning og til að veita liðsfélögum mínum öryggi. Í síðustu leikjum hef ég komið inná í vörn og í stöku sókn til að hvíla Isaias Gardiola. Stundum kemur önnur hreyfing á sóknina við það og þannig get ég hjálpað liðinu," segir Alexander. Tími Ásgeirs Arnar kominnAuk Alexanders ríkir mikil óvissa um hvort Ólafur Stefánsson gefi kost á sér í landsliðið. Alexander minnir á að landsliðið sé vel mannað þrátt fyir fjarveru sína og jafnvel Ólafs Stefánssonar. „Ég hef spilað nánast 60 mínútur í hverjum einasta leik bæði með félagsliði sem og landsliði undanfarin ár og þarf núna örlitla hvíld," segir Alexander. Útlit er fyrir að mikil ábyrgð muni hvíla á Ásgeiri Erni Hallgrímssyni í stöðu hægri skyttu og Alexander segir tíma kominn á Hafnfirðinginn. „Ég hef fulla trúa á Ásgeiri Erni sem er frábær leikmaður í bæði vörn sem sókn og getur vel fyllt í skarð mitt og Óla. Nú er hans tími kominn til að sanna sig," segir Alexander sem óskar félögum sínum í landsliðinu góðs gengis á Spáni. „Hingað til hef ég hugsað til skemmri tíma og oft tekið þátt í stórmótum og barist við meiðsli á sama tíma. Þetta er mjög erfið ákvörðun en ég tel að ég muni koma sterkari til baka. Jafnvel vélmenni þurfa að fara í viðgerð," segir Alexander á léttu nótunum. Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Leik lokið: Fjölnir - HK 28-27 | Nýliðarnir með sinn fyrsta sigur í háspennuleik Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Sjá meira
Alexander Petersson verður ekki með íslenska landsliðinu í handknattleik á heimsmeistaramótinu sem fram fer á Spáni í janúar. Alexander hefur glímt við meiðsli í öxl í lengri tíma og þarf á langþráðri hvíld að halda. Handbolti Alexander Petersson gefur ekki kost á sér í íslenska landsliðið í handknattleik á HM á Spáni sem fram fer í janúar. Alexander var í 28 manna hópi sem landsliðsþjálfarinn Aron Kristjánsson tilkynnti í vikunni þó vonin um þátttöku hans væri veik. Nú hefur allur vafi verið tekinn af. „Ég hef tekið þá ákvörðun að vera ekki með í þetta sinn því ég tel að það sé mikilvægara fyrir mig og landsliðið að ég nái mér góðum og komi þá enn sterkari til leiks í framtíðinni," segir Alexander í samtali við Fréttablaðið og Vísi. Örvhenta skyttan hefur glímt við meiðsli á öxl í langan tíma. Meiðslin plöguðu Alexander einnig í aðdraganda Evrópumótsins í Serbíu í janúar en hann gaf engu að síður kost á sér. Hann spilaði töluvert framan af móti en svo sagði líkaminn stopp. Hann segir það sennilega hafa verið mistök að gefa kost á sér og hann hafi lært af þeim mistökum. „Í þetta sinn er ég að hlusta á líkama minn sem hefur ekki fengið frí í eitt og hálft ár. Það er ekki mannlegt að spila á þremur stórmótum á einu ári. Það mun verða mjög erfitt að horfa á strákana spila og ekki geta verið með," segir Alexander sem varð 32 ára í júlí. Það sé ósk hans að fólk skilji og virði ákvörðun sína. Það sé ólíkt að spila með félagsliði og á stórmóti þar sem leikjaálagið er gífurlegt og hver einasti leikur upp á líf eða dauða. Verkir fylgja hverju skotiAlexander skoraði fimm mörk í sigri Rhein-Neckar Löwen á Balingen á miðvikudagskvöldið. Þeirra á meðal var sigurmarkið en Alexander hafði lítið komið við sögu í leikjum Löwen síðan liðið mætti Kiel í lok nóvember. Síðan þá hafi hann æft án þess að geta skotið og um tíma gat hann ekki einu sinni sent boltann. „Ég hef ekki getað kastað bolta af fullum krafti í rúmar þrjár vikur. Þessi leikur var mjög mikilvægur fyrir liðið mitt og ég vildi reyna að hjálpa eins mikið og ég gat," segir Alexander en mörk hans komu ekki úr hörkuskotum heldur af stuttum færum. „Ég tók verkjalyf fyrir leik sem ég geri helst ekki en það hjálpaði örlítið. Flest mörkin komu af 6-7 metrum og krafturinn var ekkert í líkingu við þann sem ég hafði áður. Eftir hvert skot fylgdu verkir og mun ég gjalda fyrir það næstu daga," segir Alexander sem hefur þó verið til taks á bekknum. „Guðmundur (Þórður Guðmundsson, þjálfari Rhein-Neckar Löwen) hefur viljað hafa mig á bekknum meira sem stuðning og til að veita liðsfélögum mínum öryggi. Í síðustu leikjum hef ég komið inná í vörn og í stöku sókn til að hvíla Isaias Gardiola. Stundum kemur önnur hreyfing á sóknina við það og þannig get ég hjálpað liðinu," segir Alexander. Tími Ásgeirs Arnar kominnAuk Alexanders ríkir mikil óvissa um hvort Ólafur Stefánsson gefi kost á sér í landsliðið. Alexander minnir á að landsliðið sé vel mannað þrátt fyir fjarveru sína og jafnvel Ólafs Stefánssonar. „Ég hef spilað nánast 60 mínútur í hverjum einasta leik bæði með félagsliði sem og landsliði undanfarin ár og þarf núna örlitla hvíld," segir Alexander. Útlit er fyrir að mikil ábyrgð muni hvíla á Ásgeiri Erni Hallgrímssyni í stöðu hægri skyttu og Alexander segir tíma kominn á Hafnfirðinginn. „Ég hef fulla trúa á Ásgeiri Erni sem er frábær leikmaður í bæði vörn sem sókn og getur vel fyllt í skarð mitt og Óla. Nú er hans tími kominn til að sanna sig," segir Alexander sem óskar félögum sínum í landsliðinu góðs gengis á Spáni. „Hingað til hef ég hugsað til skemmri tíma og oft tekið þátt í stórmótum og barist við meiðsli á sama tíma. Þetta er mjög erfið ákvörðun en ég tel að ég muni koma sterkari til baka. Jafnvel vélmenni þurfa að fara í viðgerð," segir Alexander á léttu nótunum.
Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Leik lokið: Fjölnir - HK 28-27 | Nýliðarnir með sinn fyrsta sigur í háspennuleik Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Sjá meira