Black Shore vekur athygli

Nýverið sendi tónlistarmaðurinn Úlfur frá sér myndband við lagið Black Shore sem er að finna á plötu hans, White Mountain, sem kemur út hjá Kimi Records í lok mars. Áður kemur hún út hjá japanska útgáfufélaginu AfterHours.

Máni Sigfússon leikstýrði myndbandinu sem hefur fengið mikla athygli frá frumsýningu og hafa rúmlega 33 þúsund manns borið það augum á Vimeo.com.

Úlfur, sem kallaði sig áður Klive, hefur spilað með Swords of Chaos og verið bassaleikari í tónleikahljómsveit Jónsa.