1860 sendir frá sér lag

Hljómsveitin 1860 hefur sent frá sér lagið Go Forth sem er tekið af væntanlegri plötu sem kemur út í haust. Hægt er að hlusta á lagið hér fyrir ofan.

Sagan, frumburður sveitarinnar, kom út í fyrra og innihélt lögin Snæfellsnes, Orðsending að austan og For You, Forever sem komust öll á topp 10 á vinsældarlista Rásar 2. Hljómsveitin var einnig tilnefnd sem bjartasta vonin á Íslensku tónlistarverðlaununum og sem nýliðar ársins á hlustendaverðlaunum X-ins 977.

Þrír meðlimir hafa bæst við 1860 frá síðustu plötu, eða Jóhann Rúnar Þorgeirsson, Gunnar Jónsson úr Coral og Andri Bjartur Jakobsson úr Mammút. Ljóst er að liðsstyrkurinn kemur sér vel.