Tvær plánetur við tvístirni

Stjörnufræðingar NASA hafa fundið tvær reikistjörnur sem eru á braut um tvær sólir, svokallað tvístirni.

Síðasta árið eða svo hafa fundist nokkrar reikistjörnur á braut um tvístirni, en nú hefur Kepler-sjónaukinn varpað ljósi á að fleiri en ein reikistjarna getur verið á braut um eitt tvístirni.

Tvístirnið er í um það bil 4.900 ljósára fjarlægð frá jörðu. Önnur plánetan, Kepler-47c, er staðsett á hinu svokallaða lífbelti stjarnanna, þar sem lífvænlegar aðstæður gætu verið til staðar, nema að um er að ræða gashnött en ekki berghnött.- þj