Segir ákærur vera pólitískar

„Ég hef ekkert að fela," sagði Julius Malema, suðurafrískur stjórnmálamaður sem kom fyrir rétt í gær sakaður um spillingu, skattsvik og peningaþvætti. „Þeir eru að eyða tíma sínum," sagði hann.

Malema var rekinn úr Afríska þjóðarráðinu fyrr á þessu ári, sakaður um að efna til illdeilna. Hann hafði þá sagt af sér sem formaður ungliðahreyfingar flokksins eftir að hann hafði látið syngja gömul baráttulög gegn hvíta minnihlutanum, sem áður kúgaði svarta meirihlutann á tímum aðskilnaðarstefnunnar.

Malema hefur verið áberandi undanfarið í tengslum við verkföll námuverkamanna.- gb