Ég er hommi

Leikarinn Victor Garber, sem lék meðal annars Jack Bristow í Alias og skipasmiðinn Thomas Andrews í Titanic, staðfesti það í vikunni að hann er samkynhneigður.

"Ég tala eiginlega ekkert um það en allir vita það," lét Victor hafa eftir sér í viðtali við Greg Hernandez sem heldur úti blogginu Greg in Hollywood. Fregnirnar voru síðar staðfestar af fréttasíðunni E!.

Victor hefur svo sem ekki verið að fela kynhneigð sína en hann hefur verið með kærasta sínum, Rainer Andreesen í þrettán ár. Rainer er listamaður og fyrirsæta og kom með sínum heittelskaða á Golden Globe-verðlaunahátíðina síðustu helgi.

Þú gætir unnið - vertu með okkur á Facebook.