Ég er afbrýðisöm út í þessar konur

Fyrirsætan og skartgripahönnuðurinn Molly Sims eignaðist soninn Brooks Alan í júní á þessu ári. Hún segist vera mjög afbrýðisöm út í konur sem virðast mjókka um leið og barnið er komið í heiminn.

"Ég á enn eftir að léttast um nokkur kíló og barnið mitt er sjö mánaða. Svo horfi ég á Claire Danes á Golden Globes og mig langar að segja við hana að ég hati hana," segir Molly en Claire er einnig nýbökuð móðir.

Molly þyngdist um næstum því þrjátíu kíló á meðgöngunni en æfir nú með stjörnuþjálfaranum Tracy Andersen og iðkar Bikram jóga.

"Ég er afbrýðisöm út í konur eins og Claire. Ég vildi óska að ég hefði getað lést svona hratt en líkami minn samþykkti það ekki. En ég er svo hamingjusöm að eiga yndislegan, glaðan, hraustan og fallegan son.

Þú gætir unnið - vertu með okkur á Facebook.