Real Madrid og Barcelona tekjuhæstu félög heims

Áttunda árið í röð er spænska félagið Real Madrid það fótboltafélag í heiminum sem aflaði mestra heildartekna. Efstu sex félögin á lista Deloitte eru þau sömu og fyrir ári síðan en af þeim var það aðeins Manchester United (3. sæti) sem skilaði minni tekjum milli ára. Tvö efstu félögin koma frá Spáni en England á fimm félög inn á topp tíu listanum.

Real Madrid skilaði heildartekjum upp á 512,6 milljónir evra á síðasta ári og varð þar með fyrsta félagið til að brjóta 500 milljóna múrinn. Tekjur félagsins hækkuðu um sjö prósent milli ára alveg eins og hjá erkifjendunum í Barcelona sem voru með 483 milljónir í heildartekjur á síðasta fjárhagsári.

Manchester United skilaði þremur prósentum minni tekjum í ár en í fyrra en þar hafði mikið að segja að félagið komst ekki í gegnum riðlakeppni Meistaradeildarinnar. Nágrannarnir í Manchester City komust inn á topp tíu en City hækkaði sig um fimm sæti og fór alla leið upp í það sjöunda.

Manchester City vann ensku úrvalsdeildina í fyrsta sinn og stimplaði sig í hóp bestu liða heims og það hafði mikil áhrif á rekstur félagsins því tekjurnar jukust um 51 prósent milli ára.

Chelsea og Arsenal eiga í hættu að missa Manchester City upp fyrir sig á næstunni ef sama þróun verður á þessu ári en Liverpool er síðan fimmta enska félagið inn á topp tíu. Ítalir eiga tvö félög inn á topp tíu (AC Milan og Juventus) og Þjóðverjar eitt (Bayern Munchen).

Topp tuttugu listinn lítur þannig út:

- í milljónum evra, síðasta ár innan sviga

1 (1) Real Madrid 512,6 (479,5)

2 (2) Barcelona 483 (450,7)

3 (3) Manchester Utd 395,9 (367)

4 (4) Bayern Munich 368,4 (321,4)

5 (5) Chelsea 322,6 (253,1)

6 (6) Arsenal 290,3 (251,1)

7 (12) Manchester City 285,6 (169,6)

8 (7) AC Milan 256,9 (234,8)

9 (9) Liverpool 233,2 (203,3)

10 (13) Juventus 195,4 (153,9)

11 (16) Borussia Dortmund 189,1 (138,5)

12 (8) Internazionale 185,9 (211,4)

13 (11) Tottenham 178,2 (181)

14 (10) Schalke 174,5 (202,4)

15 (20) Napoli 148,4 (114,9)

16 (14) Marseille 135,7 (150,4)

17 (17) Lyon 131,9 (132,8)

18 (18) Hamburg 121,1 (128,8)

19 (15) Roma 115,9 (143,5)

20 (-) Newcastle United 115,3 (98)